CONCERTOS CASTRELOS
DIA DE GALICIA

Vigocultura: FALEMOS COMO GALEGAS

14out20:00Vigocultura: FALEMOS COMO GALEGASESPECTÁCULOS | 5,00€20:00(GMT+02:00) Auditorio Municipal do Concello

Detalles do eventos

Por que a situación da lingua galega é a que é? Cales son os falsos tópicos máis comúns sobre ela? Que son a “diglosite” e a “castrapite”? De onde veñen os prexuízos sobre a lingua? A quen afectan? Teñen cura? Que remedios hai para tratalos? Cal é o futuro do galego? “Falemos como galegas” é un espectáculo humorístico interactivo onde se abordan estas e outras moitas cuestións relativas á lingua galega a través de sketchs e cancións cómicas de autor. María Campos e Carlos Yus danlle vida a un feixe de personaxes entre os que se atopa a popular Sra. de Palmírez, coñecida polas súas intervencións no programa Luar da TVG e toda unha icona do “castrapismo”.

As cancións, alén de cuestións sociolingüísticas, tratan temas como a defensa da cultura propia e do patrimonio natural, a influencia dos medios de comunicación, a publicidade, a moda, o clasismo etc. Cada función de “Falemos como galegas” é unha invitación amena e divertida a reflexionar sobre a historia, a actualidade e o futuro da lingua galega, co obxectivo de fomentar o seu uso normalizado entre as galegas e galegos de todas as idades.

Autoría: María Campos e Carlos Yus
Dirección: María Campos e Carlos Yus
Deseño de son: Música e cancións orixinais de Carlos Yus
Deseño de iluminación: Tegüi
Vestiario: María Campos
Escenografía: Migallas
Intérpretes: María Campos e Carlos Yus
Fotografías e vídeos: Sr. Sagüillo

Máis

Hora

14 outubro, 2023 20:00(GMT+02:00)

Localización

Auditorio Municipal do Concello

Praza do Rei, 1, 36202 Vigo, Pontevedra

Other Events