Vigo celebra o aniversario da chegada do Nautilus de Verne

Este sábado 15 de febreiro de 2025 festexamos o 157 aniversario da efeméride literaria da entrada do submarino Nautilus do capitán Nemo en 1868 na ría de Vigo, segundo o capítulo ‘A baía de Vigo’ da novela ’20.000 leguas baixo dos mares’, de Jules Verne. Achégate e participa coa Sociedade Jules Verne de Vigo na lectura pública do capítulo ante o monumento ao escritor no Náutico. 

O acto celébrase fronte a estatua de Jules Verne nas Avenidas o sábado 15 de febreiro ás 12:30 h e poden participar todas as persoas que desexen sumarse á lectura.