Espectáculo de maxia extrema interpretado por Víctor Cerro, un dos mellores escapistas do mundo posuidor do Récord Mundial de Maxia Extrema. Será unha función altamente impactante e visual na que o mago se xogará a vida ao escapar do interior dun forno de gas auténtico a máis de 300 graos. Esta proeza, bautizada como Desafío Vulcano, terá lugar o sábado 13 de agosto na praza superior de vialia ás 20:30h.

Este espectáculo forma parte da programación do festival Galicia Ilusiona. A primeira edición do festival Galicia Ilusiona presenta un ambicioso cartel que sorprende por extensión de días e artistas programados. 30 artistas ofrecen máis de 200 shows de maxia e ilusionismo polas catro provincias galegas. Hai tanto maxia de rúa, como grandes galas en teatros, desafíos extremos e visitas solidarias a nenos hospitalizados.