O Conservatorio Superior de Música de Vigo abre as súas portas ao sector musical coa VI Semana da Produción e Xestión, que se celebrará do 23 ao 27 de marzo dentro do festival Nas Ondas.

Trátase da sexta edición dun encontro con profesionais da industria musical que pon o foco na inclusión cultural. A programación, presentada esta mañá, reúne destacados relatorios a cargo de figuras como o produtor John March, técnico de Michael Jackson, María Soa de Fillas de Cassandra, o produtor nominado aos Grammy Carlos Rodgarman, Raquel García da Fundación Music For All ou o trompetista internacional Bernat Xamena.