VI Gala Non te esquezas de rir

O riso é un elemento máis nas nosas vidas. Atopámolo en todas partes: nas rúas, nas nosas casas, no traballo, nos bares… Está nos momentos máis cotiáns (e tamén nos máis estraños) do día a día. É algo do que nunca nos podemos esquecer.

Dende Afaga Alzheimer organizan a VI Gala NON TE ESQUEZAS DE RIR. Será unha velada chea de risas con Lucía Veiga, Marita Martínez, Diana Sieira e Ángela Triana. Monologuistas de armas tomar que veñen a Vigo dende A Coruña para lembrarnos o importante que é rir nas boas e nas malas. Porque todo se pasa mellor coa risa do noso lado.