Vermú Comedy é unha programación de microteatro coa que os Denigrantes buscan sorprender e divertir ao público á hora do vermú. A través da ironía, o humor crítico e os xiros inesperados, deixa ao descuberto a fraxilidade das emocións. Tras a actuación, os asistentes terán a oportunidade de participar nun fórum interactivo cos actores para compartir opinións e facer preguntas relacionadas co espectáculo.

Nesta ocasión interpretarán unha montaxe de 20 minutos: ‘Los enamorados y el camarero’, de Alberto San Juan, un romance que podería ser o noso… onde os silencios din tanto ou máis que as palabras.

Co fin de manter a integridade da experiencia teatral e lograr unha atmosfera envolvente e sen interrupcións, rogan puntualidade e advirten de que se pecharán as portas unha vez iniciada a función. O espectáculo, con entrada gratuíta a caixa inversa, está recomendado para maiores de 16 anos.