Verbena Market

Verbena Market organiza no Casco Vello Alto unha xornada con mercado, música en directo e comida e bebida. Será o domingo 22 de maio entre as 12 e as 19:30h.

No mercado atoparemos marcas de creadoras como Ana Freiría (orfebrería artística), A ratiña shop (roupa e complementos feitos a man), Avoa Makika (confituras naturais), Belén Diz Juncal (arte e ilustración), Bink and Plue (roupa sen xénero), Cereal Jewels (xoiería), Cheluki-Strike (ilustración e cerámica), Desniveis (ilustración, láminas e mapas), Editorial Elvira (editorial independente), Eva Fandiño (cerámica e ilustración), Las casas por su nombre (decoración e deseño), Lavanda Atelier (complementos feitos a man) e Lucía Carrera (moda e complementos feitos a man).

Ademais, ao longo do día haberá música en vivo coas actuacións dos músicos vigueses Anahí e Ollo, Lóstrego . Todo isto mollado coas bebidas e comidas que servirán os nosos anfitrións da asociación Casco Vello Alto.