A Escola Municipal de Artes e Oficios de Vigo acolle unha nova sesión dos Venres da EMAO coa charla “Desatada e descosida”, un encontro que abordará a colaboración entre o Máster en Creación Artística Contemporánea da Facultade de Belas Artes e a Aula de Deseño e Encaixe de Palillos da EMAO. A autora do proxecto e as súas titoras compartirán o proceso de investigación e creación, así como as aprendizaxes derivadas deste diálogo entre a universidade, a formación artística e a tradición téxtil.