decembro, 2019

20dec22:00VelpisterCONCERTOS | 5,00 €22:00 La Casa de Arriba

Máis

Detalles do evento

Velpister (Jens Peter Jensen)

Comeza os seus estudos musicais e pianísticos no Conservatorio Profesional de Música de Ourense, coa profesora Rosa de Castro. Trasládase a Madrid onde prosegue os seus estudos de piano coa profesora Celia de Yurre, ao mesmo tempo que realiza os estudos de Xornalismo na Facultade de Ciencias da Información da Universidade Complutense de Madrid, estudos que abandona polo piano. Á súa volta a Ourense funda o Conservatorio Karl Nielsen, o cal dirixe e no que imparte clases durante os seguintes anos mentres realiza os seus estudos superiores de piano no Conservatorio Superior de Música da Coruña coa pianista Natalia Lamas.
Así mesmo foi alumno de insignes pianistas, profesores e compositores da escena internacional como Luiz de Moura Castro, Paul Badura Skoda, Miguel Zanetti e Antón García Abril. Asistiu a cursos con Manuela Goveia, Pierre Rea e Andrés Alén entre outros.

É concertista solista e acompañante desde 1997. Foi profesor de piano e pianista acompañante nos conservatorios profesionais de Pontevedra e Vigo, así como no Superior de Vigo.
En febreiro de 2006 representa no Teatro Principal de Ourense, o primeiro MUSICOPLASTIDRAMA, espectáculo multidisciplinar titulado “ As cores do son”, o cal organiza, co-dirixe e crea a escenografía. É un espectáculo onde se dan a man a música, a danza, a poesía, o teatro e as artes plásticas para dar lugar ao “Concerto Total”. Ao ano seguinte (2007) repite a experiencia no Teatro Principal de Pontevedra.

Os seus concertos como solista caracterízanse por ser unha conxunción entre a música, xa sexa esta como pianista solista ou acompañándose da pintura, vídeo, poesía e relato. A escena atópase sempre decorada coas súas últimas creacións pictóricas. Así mesmo mestura repertorio clásico coas súas propias composicións e improvisacións pianísticas.

Hora

(Venres) 22:00

Lugar

La Casa de Arriba

Rúa Martín Códax, 23, 36201 Vigo, Pontevedra

X