VARCO enche de arte o Mar de Vigo coas obras de máis de 30 artistas contemporáneos

O Auditorio Mar de Vigo acollerá do 12 ao 15 de decembro VARCO (Vigo Arte Contemporánea), un gran evento arredor da arte que busca converterse nunha das grandes referencias no noroeste da península.

Un dos principais acenos de identidade de VARCO será a interacción directa dos artistas co público, que poderá adquirir obras de arte únicas sen ningún tipo de intermediario. Os artistas estarán presentes durante eses días para falar das obras co público e compartir a súa experiencia cos visitantes.

Más de 30 artistas achegaranse á primeira edición de VARCO, cuxa programación se complementará con actuacións musicais, conferencias, talleres, coloquios e gastronomía. O epicentro da feira estará no hall do Mar de Vigo, onde estarán situadas casetas con obra de artistas plásticos recoñecidos, como os pintores José María Barreiro, Antón Sobral, Chelo Rodríguez ou Alfonso Costa, xunto con artistas doutras disciplinas como o fotógrafo Xulio Gil ou o escultor Iván Prieto. VARCO é unha feira multidisciplinar e interxeracional, na que tamén se poderá adquirir obra de artistas máis novos como a ceramista Lili Algo.

Esta primeira edición da feira tamén contará con presenza internacional, sendo o país convidado Portugal, coa presenza do artista plástico Ricardo Santos.

INAUGURACIÓN – Xoves 12 ás 20.00 horas con invitación.
VENRES – 13: apertura ás 17.00 horas.
SÁBADO – 14: De 11.00 horas a 23.00 horas.
DOMINGO – 15: De 11.00 horas – a 15.00 horas.

TALLERES E CONFERENCIAS:

VENRES – 16.00 horas – 17.00 horas: Conferencia “Las Outras”. Paula Marino.
SÁBADO – 10.00 horas – 11.30 horas: Taller “Escuela de profes“.
SÁBADO – 16.00 horas -17.00 horas: Taller “Pintura con espátula”. Diana Cordero
DOMINGO – 10.00 horas – 10.45 horas: Taller “Pintura en seda”. Isabel Pintado.

Podes consultar aquí a lista completa de artistas

Preme aquí para ter máis información