VARALONGA

O Grupo Varalonga chega á Sala Rebullón con “SEMPRE MAR”.

O domingo 5 de novembro, Varalonga vainos deleitar co seu novo proxecto musical inspirado na obra poética de Bernardino Graña. Versos dos mariñeiros, de Tirán, de Cangas e das terras do Morrazo, que conectan os poemas co mar e a terra. Coas súas cancións, o grupo ofrece unha homenaxe á amizade, ao vínculo coa comunidade e á esencia de Graña.