A Escola de Teatro Imaxinatea organiza unha nova edición deste formato competitivo de representación teatral. Nesta ocasión, contaremos con seis equipos de catro persoas, que competirán nun sistema de liguiña en dous grupos de tres. Os enfrontamentos serán de Impro Comparada, na que dous equipos improvisan sobre un mesmo tema e coas mesmas premisas.

A velada contará con sorpresas da man do presentador-árbitro da competición, figura emblemática da comedia e do humor, que promete moita diversión e unha chea de premios para todas e todos os participantes.