Underfest Bites: The Dictators

Falar dos Dictators é facelo de toda unha lenda da escena R’n’R e punk rock. Os neoiorquinos levan décadas poñendo patas para arriba cada escenario que pisan e nesta nova xira con data única en Galicia, chegan a Underfest para demostrar por que son unha banda de referencia.

Formados en NYC en 1973, o seu legado e influencia ao longo de todos estes anos é incuestionable, cos míticos Ross The Boss e Andy Shernof ao mando e formando unha banda de luxo con Albert Bouchard á batería, membro fundador dos tamén míticos Blue Öyster Cult.

Orixinalmente formados como un homenaxe/resposta a MC5, Flamin’ Groovies, New York Dolls e The Stooges, The Dictators terminaron desempeñando un papel igualmente crucial e inspirador para as xeracións vindeiras. Himnos, humor acedo e descarado, crítica social, cultura lixo e toda esa enerxía que aínda conservan. Con estes ingredientes, nada malo pode pasar.

Entradas

Entrada de balde para as persoas posuidoras do abono do Underfest 23