O Centro Cultural Portugués acolle a función de Um copo com Mário Viegas, unha peza desenvolvida polo grupo de teatro amador en portugués Eu.Experimento. A obra conta coa dramaturxia e posta en escena de Afonso Becerra de Becerreá, e as interpretacións de António Barreiro, Patrícia de la Fuente, Carmen Lois e Letícia Monteiro.

Este cóctel teatral, cargado de humor, absurdo e memoria, serve de homenaxe a Mário Viegas (1948–1996) nos 30 anos do seu pasamento, evocando o seu espírito irreverente e os textos do escritor Mário-Henrique Leiria. A través de escenas que camiñan entre o soño e o inesperado, o espectáculo convida ao público a realizar unha viaxe sensorial e reflexiva sobre o ser humano, os seus afectos e as súas contradiacións.