Este monólogo de carácter documental recupera unha serie de historias cruzadas na época do Terceiro Reich en Alemaña. Partindo dunha obra orixinal de Diego Seixo, que ocupa o centro do espazo escénico, a proposta adquire nun primeiro momento unha dimensión puramente expositiva para transformarse, a continuación, nun dispositivo teatral do que xorden os diferentes relatos.

O fío condutor é o relato autobiográfico dunha persoa detida no campo de concentración de Buchenwald, mestra de xadrez xudía de orixe polaca, que leva ao público a descubrir algúns dos aspectos menos divulgados do horror nazi. Conta coa interpretación de Sonia Salgado sobre un texto e unha posta en escena de Alberte Alonso.

Reservas