TRIUMM presenta LEGENDS Vol. 1: tres xeracións de DJs nun encontro histórico
DJ M4RT1N Arenal X, Fran Rodríguez e DORR protagonizan a primeira homenaxe a figuras históricas da noite viguesa.

TRIUMM inaugura LEGENDS, un proxecto concibido para render homenaxe a artistas que marcaron a historia da noite en Vigo e cuxo legado segue influíndo na escena actual. O Volume 1 reúne tres xeracións de DJs —DJ M4RT1N Arenal X, Fran Rodríguez e DORR— nun encontro único que conecta pasado, presente e futuro.

Aínda que LEGENDS recoñece esa traxectoria, non é un evento remember nin unha viaxe nostálxica. A identidade musical será actual, vangardista e fiel ao selo TRIUMM: sets contemporáneos, enerxía renovada e unha lectura moderna do clubbing.
Tres xeracións xuntas, si… pero soando a hoxe.

Fran Rodríguez & DORR: un B2B histórico de case catro horas

Fran Rodríguez —Fran Na— é un dos pioneiros absolutos da electrónica en Vigo. O seu nome está ligado a etapas decisivas en templos como Vip Space, Bauhaus ou A Capela, onde deixou unha pegada profunda na cultura club local. Ao longo da súa carreira tamén completou grandes etapas noutros referentes da cidade como El Manco ou Minimal Moon, consolidando unha influencia que atravesa décadas.

LEGENDS Vol. 1 marca un capítulo especial na súa traxectoria:
• O seu segundo B2B en toda a súa carreira,
• Un extended set de case catro horas,
• E unha colaboración inédita con DORR, un dos artistas con maior crecemento da escena actual.

Un encontro interxeracional tan simbólico como único.

DJ M4RT1N Arenal X: unha apertura contemporánea para unha noite irrepetible

A noite abrirase cun warmup de DJ M4RT1N Arenal X, figura icónica de Arenal X e actual residente de N29. Unha sesión longa, persoal e construída desde a liberdade absoluta, na que TRIUMM volve lembrar a súa regra fundamental: ninguén vén adaptarse; cada artista vén amosar quen é de verdade.

Aínda que recoñecido pola súa traxectoria histórica, M4RT1N ofrecerá un set plenamente contemporáneo, orientado ao house actual e ao deseño emocional da pista. Un reencontro moi agardado co seu público, pero desde o presente.

Un nacemento impulsado por un Entroido que fixo historia

LEGENDS nace tras o éxito rotundo do recente TRIUMM Carnival Edition, que bateu o récord de entradas vendidas da marca e viviu unha das noites máis memorables do proxecto. A conexión co público foi tan intensa que o headliner Ramírez —un dos DJs e produtores máis respectados do país— publicou unha mensaxe agradecendo a enerxía vivida e destacando a singularidade do público vigués.

DATOS DO EVENTO

• Data: 7 de marzo de 2026
• Lugar: Island Club – Praza da Estrela, Vigo
• Horario: 23:00 → peche
• Artistas:
  o DJ M4RT1N Arenal X (warmup)
  o DORR B2B Fran Rodríguez — Extended Set
• Entradas:
  o 9 € con consumición mínima
  o 12 € con copa
  o Sobren o domingo 22 de febreiro ás 22:00
  o Taquilla: 15 €

Un impulso perfecto para inaugurar un concepto que aspira a deixar pegada na escena.