No mes de marzo, ademais de celebrarmos o Día Mundial do Teatro, abrimos as portas da
ESAD para asistir á estrea dos Obradoiros Integrados de 4º curso. A entrada é libre e este
ano teremos a seguinte programación, todos os días ás 18h00 na Sala Pedra Seixa:

• Días 11 e 12 de marzo, State Affaire, unha ollada escénica de Nicole Babarro e Noa López a
  partir do texto de Robin Soans e para o cal o grupo mantivo encontros e traballo de campo
  con asociacións galegas durante o proceso creativo como a histórica Érguete, Asociación
  para a axuda á drogodependencia. O espectáculo está conformado polo seguinte elenco:
  Carla Andrade, Álvaro Cima, Alba López, Laura Pampín, Patricia López, Iván Rodríguez,
  Sandra Folgar e Iván Bermúdez.
• Días 17 e 18 de marzo, Ventos de Elsinor, un espectáculo creado a partir do texto Lenda
  Escandinava, do dramaturgo Manuel Lourenzo. A dramaturxia é de Olga Míguez e codirixido
  por Roberto Vázquez e Inés Gómez Queiruga. O elenco deste espectáculo está conformado
  por: Celia Rodríguez, Alba Silva, Érika Barbosa, Estevo Pérez, Nuria Vázquez, Uxía Suevos,
  Nicole Rodríguez e Teo Piñeiro.
• Días 25 e 26 de marzo, Un consumidor feliz, espectáculo do grupo de Interpretación
  Xestual, con dramaturxia de Leire Gil e Dirección de Paula Barcala. Nos Supermercados
  Paraíso, os soños tórnanse realidade: existe un lugar mellor para ser feliz? Os seus clientes
  viven fantasías imposíbeis que os fan regresar sempre. Pero a podredume escondida por
  detrás dos estantes vainos levar a escoller o seu propio consumo. Con: Bruno Núñez,
  Candela Martínez, Claudia del Río, Rosalía Alonso, Maruxa Gemperle, Ío Blanco e Sandra
  Zarco.