THE XAME

THE XAME é unha banda galega formada en 2021 inicialmente como tributo a Johnny Cash. Pronto comezaron a compoñer e deron forma a dous discos “We are the same” no 2022 e “Burning out in the moon” no 2024.

Foron ampliando o seu repertorio con versións de grandes grupos tales como Deep Purple, ZZ Top, AC/DC, Uriah Heep, #etc e “rockerizando” temas de Cat Stevens, Neil Diamond, a Creedence ou o propio Johnny Cash.

Nos seus concertos, alternan versións e temas propios apostando sempre pola enerxía pero sen esquecer o aspecto melódico tan importante no rock clásico. O seu son está baseado nos “power trios” dos 70´s ao que engaden o icónico timbre do órgano Hammond.