The Twist Connection é un power trío de músicos curtidos de Coimbra, liderado por Carlos Mendes, xunto a Samuel Silva e Pedro Chau . O encontro destas tres forzas fai estoupar de maneira descarnada todas as conexións co blues, o garage, o soul, o punk, a psicodelia e o R&R máis incendiario.

Gañadores do premio á mellor banda portuguesa de 2019 nos Premios Nacionais da Música e das Artes, The Twist Connection pisaron ao longo destes dez anos innumerables escenarios, dende clubs de rock underground ata festivais de maior envergadura, asumíndose como unha banda que vive da dinámica e da interacción co público. Ademais de xirar por todo o territorio portugués, xa estiveron presentes en Francia, Inglaterra e, especialmente, en España.