O sábado 7 de xuño ás 22:00 h, na sala La Pecera, terá lugar o concerto de The Tremenders: unha banda de soul cun repertorio de versións moi escollidas, con grandes cancións de clásicos como Aretha ou Nina Simone e tamén de novos valores como Amy Winehouse ou Freedonia.

O grupo nace en Vigo a finais do 2017 coa insana idea de “divertir divertíndose”, e actualmente están a traballar na composición dos seus propios temas, sempre co soul por bandeira.

A apertura de portas é ás 21:30 h, e o concerto comeza ás 22:00 h. A entrada custa 8,00 €.