The Steepwater Band

O próximo 28 e 29 de maio en Vigo estarán Steepwater Band (Chicago) realizando a súa única actuación en Galicia e pechando a súa xira española, dúas noites de Rock & Blues que prometen ser inesquecibles, no que será 5º aniversario do Mais que Blues-Cervexas Alhambra. Regresan a España despois de 5 anos fóra dos nosos escenarios e promete ser unha dobre noite espectacular, con dous set list completamente distintos, onde estarán a presentar as cancións dos seus dous novos discos ademais de render tributo a todos os seus ídolos e facer un extenso percorrido pola súa discografía.

Con motivo desta dobre velada, ademais das entradas por día a 15€ Ant., hai á venda un número limitado de bonos a 25€ (só en liña ata o 15 de maio), que permitirá gozar por partida dobre de dous shows xunto á que posiblemente sexa unha das bandas máis representativas da escena de Chicago nas dúas últimas décadas.