Fundación Penzol organiza esta conferencia con Xesús Alonso Montero que leva por título “Textos filocomunistas de Castelao no trienio da Guerra Civil”.

Tratará na súa intervención das colaboracións do rianxeiro na revista Nueva Galicia, que dirixían os comunistas; dos vinte e seis días da súa viaxe á URSS en maio de 1938; sobre o porqué dos vocábulos “filocomunismo” e “prosovietismo” do título da conferencia e se achegará ao Castelao posterior á Guerra Civil, entre outros temas de interese, como as opinións de Antonio Machado e Castelao, nas mesmas datas, sobre o socialismo.