Dereito a Morrer Dignamente Galicia ofrece o segundo martes de cada mes un espazo informativo sobre como elaborar o testamento vital: un documento legal no que podes deixar por escrito os coidados sanitarios que queres recibir e aqueles que prefires rexeitar ao final da túa vida.

Co obxectivo de que as túas vontades sexan respectadas mesmo cando, por deterioro das túas capacidades, xa non poidas expresarte. Ás veces, a diferenza entre morrer ben ou mal está en coñecer os dereitos que nos amparan ao final da vida.