TerraCeo: Andrés Suárez

Andrés Suárez é unha combinación perfecta de constancia e talento. Admirado e respectado por público, crítica e compañeiros de profesión a partes iguais, este cantautor ferrolán con alma de rockeiro que hai unha década foi tocar ao metro de Madrid, actualmente abarrota tanto teatros como espazos míticos para a música en España segundo opte polo seu lado íntimo ou pola súa vertente de gran banda de rock.

Comparece no Festival TerraCeo, no Auditorio Mar de Vigo, na xira de presentación do seu oitavo traballo “Andrés Suárez”, o máis persoal da súa carreira.