A Morada celebra o Mes do Orgullo cunha sesión especial de Teatro Playback, unha modalidade de teatro de improvisación na que o público comparte experiencias reais que son representadas en directo sobre o escenario. Nesta ocasión, a proposta estará centrada en historias vinculadas á diversidade, a identidade, o amor, a loita e as vivencias do colectivo LGTBIQ+.

A actividade busca crear un espazo de escoita, empatía e participación, convertendo as experiencias persoais das persoas asistentes en relatos compartidos a través do teatro.