Teatro Gorrilla: 'Un solo día'

Este sábado 10 de febreiro a Casa de Arriba acolle unha vez máis ao Teatro Gorrilla ás 20h coa programación de artes escénicas en espazos non convencionais na zona de Churruca. Estará Clarissa, dende Pamplona, nada en Italia, coa súa peza “Un solo día”, que fala de ocupar o espazo, saborear o percorrido, simplemente ser. Ser, permanecer. Desear estar, pensar, actuar, saber, simplemente facer. Ser durante unha transformación continua; de forma continua deixando un eco atrás. Canto permanece o que queda? Que queda? Trátase dunha oda a Francesca Woodman, onde a bailarina a encarna, para que poida vivir o que perdideu, facerlle vivir unha continua transformación, o continuo pasar do tempo, darlle voz e facer unha pausa na súa vida; buscando a intemporalidade no tempo, retornandoa á vida. Clarissa Costagliola formou parte de “Dinamo Danza”, compañía dirixida por Carmen Larraz e da compañía de Jesús Rubio.

Data: sábado 10 de febreiro ás 20h
Prezo: taquilla inversa (mínimo recomendado de 4€)
Lugar: A Casa de Arriba, Rúa Martín Códax, 23, Vigo

Teatro Gorrilla é un proxecto autoxestionado e alternativo que Sergio Llauguer, Laura Merchán e Eva Comesaña levan a cabo, pretende transformar e democratizar a cultura na cidade olívica, levando propostas contemporáneas de artes escénicas aos bares, lugares cheos de vida que apoian o arte a través de múltiples concertos, por iso, queren que as artes escénicas tamén teñan presenza nestes espazos non convencionais, e así, visibilizar novas propostas de artistas independetes da Galiza. Este proxecto comeza como resposta á baixa visibilidade das artes escénicas e a escaseza de espazos para a sua práctica e desfrute na cidade de Vigo. O funcionamento de taquilla inversa, é a de aportar polo espectáculo unha vez sexa disfrutado e así valorar canto queres pagar por él, sendo o mínimo recomendado de 4€. Isto está inspirado no teatro de rúa onde se pasa “pasa a gorra”.