No marco da súa xira 25 años de corazón, o Teatro Afundación acolle un concerto de Tamara, a raíña dos boleros.

SINOPSE

Única no seu estilo, Tamara cumpre vinte e cinco anos cunha nova xira e cun formato íntimo no que conecta co público dunha forma próxima e emocionante. En Piano y voz, Tamara interpreta os seus grandes éxitos poñendo o protagonismo na súa voz intimidante, sen artificios, acompañada unicamente do seu inseparable piano. Tamén haberá espazo para versións moi especiais como as que acaba de estrear en homenaxe a Manuel Alejandro e Rocío Jurado e presentará en directo algún dos seus novos temas estreados para esta xira dentro do seu novo álbum de aniversario. Unha posta en escena impecable, envolvente e que atravesa ao espectador desde os primeiros acordes.

Tamara non necesita presentación. Desde que se deu a coñecer o programa musical Menudas Estrellas converteuse por méritos propios nunha das voces máis importantes de fala hispana. Gañou catro premios Cadena Dial, un Premio Ondas a mellor canción coa súa coñecida “Herida de amor”, varias candidaturas aos Grammy e o Premio Latino de Oro á súa Traxectoria, entre outros moitos recoñecementos.

A súa capacidade para reinterpretar clásicos con elegancia e frescura levouna a gañarse o agarimo dos seus fans e o respecto da crítica.

ENTRADAS AQUÍ.