Este dúo californiano con sede en Pasadena presenta en directo o seu primeiro traballo de estudio, o homónimo System Exclusive, editado por Castle Face Records. O seu directo é cru e orgánico, divertido, fresco e desenfadado. Unha proposta sonora hipnótica na que hai cabida para o garage rock, a psicodelia e o pop a través de guitarras, teclados vintage, batería e percusións.

Cancións de pop con maiúsculas cun toque post-punk.