A Casa de Arriba acolle unha nova sesión da súa habitual jam de jazz, nesta ocasión coa apertura de Standard Conspiracy Quartet.

Liderado polo batería Antón Quintela, o proxecto concíbese como unha formación flexible arredor da memoria musical global, revisitando e reinterpretando composicións que acabaron converténdose en standards de diferentes cancioneiros do mundo.

A formación complétase con Mariana Vergueiro á voz, Sunil López ao piano e Xurxo Estevez ao contrabaixo. Tras o concerto, a noite continuará coa habitual jam session.