A música é unha ponte entre tempos, culturas e emocións. En ARPAS ATLÁNTICAS, a Orquestra Folclórica de Galicia SonDeSeu lévanos a unha viaxe sonora que entrelaza a profundidade da tradición musical galega coa maxestosidade da Arpa celta, nun concerto extraordinario que contará coa participación especial de dúas recoñecidas figuras Internacionais: Laoise Kelly (Irlanda) e Mary MacMaster (Escocia), así como dos solistas da orquestra: Beatriz Martínez, Begoña Riobó e Anxo Pintos.

Este espectáculo é unha celebración da identidade atlántica, unha viaxe musical no que o arpa se converte no eixo dun repertorio de gran riqueza e emotividade.

SonDeSeu interpretará a integral das suites compostas para orquestra, revivindo a grandeza da Suite Cotobade e a Suite San Martiño, e presentándose por primeira vez en Vigo dúas obras fundamentais para arpa celta e orquestra: Micelio, de Anxo Pintos, e Escumas Atlánticas, por Rodrigo Romaní.

Baixo a dirección por Xaquín Xesteira, SonDeSeu seguirá explorando novos camiños dentro da música de raíces, consolidándose como unha das formacións máis innovadoras na escena folclórica europea. A elección do 17 de maio, Día das Letras Galegas, non é casualidade. Nesta data de celebración da lingua e a cultura galegas, SonDeSeu rende homenaxe á poesía oral galega cun Suite especial de temas tradicionais, lembrándonos que a música e as palabras sempre estiveron inseparables na transmisión da alma dun pobo. ARPAS ATLÁNTICAS é máis que un concerto; é unha homenaxe á memoria, á creatividade e a conexión entre a música de raíces de Galicia, Escocia e Irlanda. Unha experiencia única onde o son das arpas dialoga coa forza sinfónica de SonDeSeu, tecendo unha rede de melodías que ecoan na alma atlántica compartida.

Entradas