SON MULLER nace coa vontade de abrir espazos de reflexión sobre o lugar das mulleres na cultura galega. A través dun formato expositivo tipo magazine e dunha programación musical específica, ofrece unha mirada plural ás traxectorias de creadoras vinculadas ás disciplinas dos conservatorios superiores de música de Galicia, buscando tamén xerar debate colectivo e construír unha memoria cultural máis xusta.

Como principal novidade, a exposición convértese en itinerante. Desenvolverase en formato presencial e dixital, a través das redes sociais e da web do centro.

Inaugurarase o 3 de marzo ás 19:00 horas na sede da Deputación de Pontevedra en Vigo, onde permanecerá ata o día 13.

Do 16 ao 31 de marzo poderá visitarse no Pazo Provincial de Pontevedra.

A partir de abril, regresará ao CSM de Vigo.