Este cuarteto madrileño leva máis dunha década sondando o legado do post-punk e os seus territorios colindantes, pero cun enfoque heterodoxo. Fillos á vez da cultura de internet, do amor pola música de vangarda e da escena underground madrileña, cada paso na traxectoria de Somos la Herencia foi lento pero decidido. Dotada dunha capacidade natural para o gancho pop, dun retorto sentido do humor e dunha inquedanza musical imparable, a banda foi incorporando influencias noise e hardcore cunha naturalidade pasmosa, sendo a cada paso máis ambiciosa e ao mesmo tempo máis divertida.

Entradas