'Sobrevivindo'

O xoves 31 de marzo, celebrarase, ás 19:30 h, no Restaurante de El Corte Inglés de Vigo, a presentación de Sobrevivindo, de Arantza Portabales. Acompañando a autora, estará o escritor Diego Giráldez

Alternando pasado e presente. Sobrevivindo tece unha trama de intriga arredor da súa protagonista: unha muller que loita contra si mesma e contra o resto do mundo. Sobre o pano de fondo dunha miríade de personaxes secundarios, a novela vai deixando ao descuberto a noiva adolescente, a alumna, a esposa, a viúva, a nora, a nai, a xefa, a reclusa e a empresaria dunha traxectoria vital apaixonante que avanza sen tregua e sen acougo. Corresponde ao lector xuntalas nunha busca que o levará a coñecer o misterio escondido detrás desta muller trinfadora e, ao tempo, eternamente derrotada