Paula Notario estará na librería do Corte Inglés de Vigo a partir das 10.30 para asinar o seu libro “Kalon” e para falar con todos os seus lectores.

Kalon

Segundos é o tempo que pode pasar para que a túa vida dea un xiro inesperado, para que deixes de sentir esa falta de osíxeno por non alcanzar os pagos, polos ruídos atarefados que caldean o teu ambiente, para pasar á calma, ao desafogo, ao acougo da felicidade.

Giovanna Smith e Taylor Walker, unha parella que cambia de vida nunhas milésimas de segundos, pasando de ser mileuristas, como a maioría dos españois, a ter un nivel adquisitivo incalculable e inimaxinable. Debido a ese suceso que lles ocorre, poden permitirse mudarse a un pobo privado en California.

“Kalon” ten unha trama que desenvolve as experiencias dos protagonistas xunto coas vivencias de todos os personaxes que engloban o seu círculo de amizades, familiares… Cada personaxe, unha vida diferente que contar, coa que empatizar.

Unha trama que logra que o lector se poña no lugar dos personaxes, sentindo todo aquilo que eles senten: intriga, sedución, suspense, fascinación, tensión, felicidade… Cada palabra logra atrapar tanto a mente do lector como a súa imaxinación e o seu corazón.

En resumo, sexo, amor, amizade, malos tratos á muller, narcotráfico, drogas, alcol, traumas, reivindicacións da sociedade sobre a igualdade de xénero, sobre a homosexualidade… É dicir, reivindicacións da vida en xeral, temas tabú que deben saír á luz, desde o punto de vista dunha familia que adora a maternidade e o fogar, e onde o máis importante é a unión.

E, ante todos estes aspectos, resalta sen dúbida a complicidade e a trama de amor.

Paula Notario Romero

Escritora primeriza, ten claro que o seu obxectivo, para sentir orgullo como escritora, é chegar a transmitirlle ao lector cada unha das emocións dos personaxes que engloban esta historia e, se é posible, lograr verse reflectido en aspectos dalgúns personaxes ou nas súas vivencias, compartilas con eles, vivindo a historia desde dentro.