Sergio Gómez

EXPLURART

Recital de piano
Sergio Gómez (piano)

Explurart comeza esta edición cun concerto dun destacado alumno titulado no Conservatorio Superior de Música de Vigo, o pianista Sergio Gómez.

Nacido en 1998, comeza os seus estudos no Conservatorio Profesional de Música de Vigo coa profesora Berta Fresco, obtendo o Premio Extraordinario de Fin de Grao. Realiza os seus estudos superiores co pianista Severino Ortiz no Conservatorio Superior de Vigo e na Escola Superior Musical de Alto Rendemento con Leonel Morales. Estuda o Máster na Universidade Alfonso X e recentemente finaliza o diploma de Virtuoso na escola Musical Arts Madrid.

Obtivo diversos premios en concursos internacionais, destacando o 2º Premio do Concurso Internacional de Piano “María Herrero” de Granada, 3º Premio no Piano Loop Competition en Croacia, 3º Premio no X Concurso Internacional de Piano de Sigüenza, 1º Premio no V Concurso de Solistas do Conservatorio Superior de Vigo e 3º Premio no XIX Concurso “Ciudad de Xàtiva”.

Tocou en salas de concertos internacionais, tales como o Teatro Ristori de Verona, Kleines Studio de Salzburgo e Hrvatski Dom Split en Croacia e en salas nacionais como o Ateneo de Madrid, o Auditorio Medina Elvira en Atarfe, o Palacio Real de La Granja de San Ildefonso e o Paraninfo da Universidade de Santiago de Compostela.

O xoves, 20 de abril, 20:00 h. no Auditorio Martín Códax do CSMV.