SeKadra son un dúo galego-brasileiro formado por Arturo Rúa -aos teclados e sintetizadores- e Paulo Silva – batería, percusión e sintetizadores. A partir da música tradicional galega e das influencias da tradición escandinava, jazz, flamenca e brasileira, a súa música é unha fusión exquisita e poderosa de fermosas melodías, ritmos complexos e pegadizos, así como de sutís achegamentos á electrónica.