Sebastián Loiacono é un dos saxofonistas máis sólidos e persoais do panorama jazzístico actual. A súa forma de tocar o saxo tenor sitúase nese lugar difícil onde conviven a técnica, o son e a emoción. Hai na súa interpretación unha procura constante de profundidade, de discurso e de identidade propia. O seu son é amplo, elegante e contido cando debe selo, pero tamén intenso e cheo de carácter nos momentos de maior tensión musical. Cada frase parece construída desde o respecto a unha tradición que coñece profundamente.

Ao longo da súa traxectoria compartiu escenario e gravacións con algúns dos grandes músicos norteamericanos do jazz contemporáneo, algo que non só fala do seu nivel artístico, senón tamén da súa capacidade para integrarse con naturalidade en contextos musicais de máxima esixencia.

Xunto a el estarán tres músicos imprescindibles do jazz galego e peninsular. Xan Campos ao piano, un dos intérpretes máis creativos e persoais da súa xeración, capaz de combinar lirismo, risco e sofisticación harmónica con absoluta naturalidade. Paco Charlín ao contrabaixo, referencia histórica do jazz en Galicia e músico de enorme experiencia e solidez. E David Puime á batería, posuidor dunha sensibilidade rítmica extraordinaria e dunha capacidade pouco común para soster e expandir o discurso colectivo do grupo.

Un cuarteto construído desde o equilibrio e a liberdade. Jazz contemporáneo interpretado por músicos que entenden que tocar tamén consiste en saber dialogar.

Reservas en Vitruvia, info@vitruviacafe.com o en WhatsApp 645 996 690