Unha viaxe sonora única a través da composición e da improvisación en tempo real da man de Santiago Quintáns Trío. A guitarra de Santiago Quintáns atopa no contrabaixo de Paco Charlín e na batería de Ramón Ángel Rey o espazo ideal para desenvolver unha linguaxe aberta, flexible e profundamente comunicativa, consolidada tras décadas participando nos proxectos máis relevantes do jazz e da música galega contemporánea. Unha proposta baseada no diálogo e na escoita mutua que convida ao oínte a formar parte dunha experiencia compartida e irrepetible.