Matamá celebrará a noite de San Xoán cunha xornada que mestura tradición, divulgación, gastronomía e música arredor dunha das festas máis agardadas do ano. O torreiro da festa converterase nun punto de encontro para veciñanza e visitantes cunha programación que arranca xa pola tarde e que inclúe actividades para todas as idades, desde unha andaina para coñecer as herbas de San Xoán ata xogos tradicionais, sardiñada e actuacións musicais.

A celebración, organizada pola Asociación Veciñal A Unión, a Irmandade das Neves, a S.C.D. Atlántida de Matamá e a Comunidade de Montes, recupera unha das tradicións máis vencelladas á noite do solsticio: a recollida das herbas de San Xoán e os seus usos populares.

Programación:

• 17:00 h | Charla sobre as herbas de San Xoán a cargo de Faia Educación Ambiental
• 18:00 h | Andaina para coñecer e recoller as herbas de San Xoán
• 20:00 h | Mostra das herbas de San Xoán
• 20:00 h | Xogos tradicionais con Miudiño S.Coop. Galega
• 21:00 h | Reparto de sardiñas
• 21:30 h | Actuacións do Grupo de Gaitas Atlántida, Cantareiras Atlántida e Setecuncas
• 00:00 h | Acendido da fogueira
• A continuación | Actuación de David Correa e sesión de DJ Djvv