A parroquia de Bembrive celebrará a noite de San Xoán coa súa tradicional fogueira organizada pola Irmandade de Festas de Bembrive (San Blas e Santiago Apóstolo). A celebración terá lugar no recinto festivo e contará cunha programación que combinará gastronomía, música tradicional e festa ata a madrugada.

A noite arrancará cunha sardiñada popular e continuará coa actuación do grupo Arroulada, que será o encargado de poñer o ambiente musical antes do acendido da fogueira. A celebración prolongarase ata ben entrada a madrugada coa sesión da Disco Móbil Nexus.

Programación:

• 20:00 h | Gran sardiñada
• 21:00 h | Actuación do grupo Arroulada
• 00:30 h | Disco Móbil Nexus