A Asociación Cultural As da Industria celebrará unha nova edición da súa Fogueira de San Xoán no Parque García Picher, unha cita que volverá combinar música en directo, gastronomía e tradición arredor da noite máis curta do ano. A celebración arrancará a partir das oito da tarde e contará con actuacións musicais ao longo da xornada, ademais da habitual fogueira e servizo de comida e bebida.

A programación inclúe propostas para diferentes públicos, desde a música tradicional ata sons máis alternativos. Ademais das tradicionais sardiñas de San Xoán, haberá tamén opcións de comida vegana.

Programación:

• 20:00 h | Inicio da festa
• Actuación da Escola de Meiguiñas
• Actuación de Manga de Carballos
• Concerto de Peter Punk
• Actuación de Cans de Palleiro
• Fogueira de San Xoán