A parroquia de Coruxo celebra esta fin de semana as tradicionais festas de San Sebastián en Fragoselo, cun programa que combina música, actividades populares e actos relixiosos.

O venres 5 de xuño darán comezo os festexos coa verbena amenizada pola orquestra Fuego e a discomóbil Nexus.

O sábado 6 celebrarase a misa cantada ás 12:30 horas, acompañada pola charanga Excombro. Pola tarde actuarán a Escola Infantil de Baile Tradicional do CRAC de Coruxo e o Grupo Etnográfico A Buxaina. Pola noite terá lugar a verbena coas orquestras Magos e Gran Parada.

O domingo 7 celebrarase a misa solemne e a procesión acompañadas pola Unión Musical de Coruxo, que ofrecerá un concerto ao remate dos actos relixiosos. A programación continuará con cucañas, poxas do santo e a actuación de Cé Orquestra Pantasma. As festas rematarán coa actuación do grupo La Banda de Ayer.