O local Bendito Nopal Taco Bar une música e gastronomía cun concerto especial de Samuel Leví y los Niños Perdidos, ideal para gozar dunha cea de tacos e viño en directo.

A banda ofrecerá un repertorio completo coa presenza de todos os seus integrantes sobre o escenario: Albert “Masapan” Casanova (guitarras e coros), Jesús Bravo Vivas “Cachuli” (teclados e coros), Xoán Antonio Rodríguez Outeda “Toño” (percusión/batería), Facu Torella (saxo), Irene Gallardo (violonchelo), Laura Fernández Gil (violín) e o propio Samuel Leví (guitarra, armónica e voz principal).

Para asistir ao evento a partir das 21:00 h, as entradas teñen un prezo de 5 € e é necesario realizar a reserva previa a través da plataforma dixital Ticketrona.