O Centro Comercial Camelias acolle na súa planta baixa a charla informativa ‘Salva unha vida a custo cero: doa medula ósea’, organizada en colaboración con ASOTRAME (Asociación Galega de Trasplantados de Médula Ósea).

O obxectivo desta iniciativa é informar e desmontar os mitos que aínda existen arredor da doazón de medula ósea, ofrecendo datos claros e fiables sobre o proceso, a importancia de rexistrarse como doante e o impacto real que pode ter na vida das persoas que agardan un transplante.

Durante a sesión, representantes de ASOTRAME explicarán de forma accesible como se pode converter unha persoa en doante, que requisitos se precisan e que pasos se seguen desde o rexistro ata unha posible doazón. A charla é aberta ao público, sen inscrición previa, e con aforo limitado por orde de chegada.