Desde Los Ángeles chega Sacred Skin, unha das propostas máis emocionantes da new wave actual. Cunha combinación maxistral de sintetizadores clásicos, emoción contida e voces poderosas, a banda conquistou a escena desde o seu debut en 2021 co sinxelo Colder, un himno escuro que lles abriu as portas de festivais como Substance e de escenarios emblemáticos como o Hollywood Palladium.

En 2022 lanzaron o seu aclamado primeiro LP, The Decline of Pleasure, unha obra de atmosferas envolventes, arranxos oitentosos e unha produción coidadosamente analóxica que lembra o mellor do synth pop clásico cun enfoque contemporáneo. O seu segundo álbum, Born in Fire (2024), consolida o seu son cunha forza aínda máis visceral.

Unha oportunidade única de ver en directo unha banda que rende culto ao pasado mentres define o futuro do dark pop.

En Vigo abrirá a velada Eme-SX.
Eme-SX é un proxecto nacido na Coruña en 2021, detrás do cal se atopa Miguel V, onde amosa a súa paixón pola estética e os sons synthwave: ambientes cyberpunk, darkwave, melodías synth, industriais e, por que non, synth-pop.

Emprega ferramentas dixitais pero sen renunciar á parte visceral e directa dos instrumentos orgánicos (baixo eléctrico, guitarras, percusión ou sintes analóxicos).

Entradas