SABELA CEREIJO + JACOBO SAINZ

SABELA CEREIJO presenta o videoclip do single “Volar”, último avance do álbum “Todo o que non che dixen” que verá a luz o 01 de decembro.
“Volar”, anticipo da nova entrega da artista galega, supón unha transformación en proceso creativo de Sabela. Tras un pequeno parón na súa carreira para centrarse na interpretación doutros proxectos, a artista viguesa regresa cunha canción que nace a necesidade de crear para volver crer.
“Todo lo que no te dije”, terceiro disco de estudo de Sabela Cereijo, gravita ao redor do Soul, con reminiscencias ao Rock e o Pop; un traballo marcado por letras cunha incontestable intensidade emocional que apuntan a temáticas universais como o amor, a familia, a saúde mental e as relacións tóxicas.

JACOBO SAINZ é un cantante, guitarrista e compositor que destaca polas súas letras honestas, a súa voz limpa e un instrumental moi traballado e coidado nas súas cancións. Este ano volve tras un longo tempo involucrado en proxectos doutros artistas. A súa nova música, cun novo son, tráenos máis enerxía, máis guitarras eléctricas, e sobre todo moita máis madurez musical. Actualmente acaba de lanzar o seu último single “High” (2024), que é unha evolución de “City Lights” (2019) mesturándoo con sons de rock, blues e country americanos. Conseguiu grandes recoñecementos, recibindo o premio a “Mellor Directo” e “Mellor Banda de Rock” nos Premios Ferve de Pontevedra 2014 co seu anterior proxecto Vörtex (2011-2018). Anos máis tarde un destacable nomeamento nos Premios Martín Códax como “Mellor Banda de Metal” tamén con Vörtex.
Na súa curta carreira, el mesmo destaca o seu concerto inaugurando os festivais da súa cidade #ante 10.000 persoas como un dos seus momentos máis especiais encima dun escenario, así como tocar no Resurrection Fest ou ser convidado en 2018 pola prestixiosa banda canadense NICKELBACK para tocar con eles no seu único show en España ata a data.
Actualmente segue traballando na súa nova música que ten previsto lanzar ao longo de 2025.