De Ste Xeito Producións representará a súa obra de teatro Running, unha suorenta comedia, o vindeiro domingo 14 de decembro, no Centro Recreativo Artístico e Cultural do Coruxo.

Stephy Llaryora e Sergio Macías son os protagonistas desta historia de «amor» e «humor», escrita e dirixida por Esther F. Carrodeguas. Un relato moi actual que retrata, cun ton grotesco, a posible realidade «familiar» contemporánea e as complicadas relacións de parella nunha sociedade que nos empurra a levar unha vida axitada, sobrecargada de información e caótica en xeral. Queda algún oco para o amor?