Roteiro infantil polo monte

Roteiros infantís gratuitos polo monte con saída desde o CSCD As Pedriñas ás 10.30 h. Percorrerase o roteiro PR-G 252 As Pedriñas da man dun guía biólogo, facendo unha descrición e interpretación ambiental dos elementos naturais e procesos que nel se atopan.

No mes de febreiro todos os inscritos poderán participar nas xornadas de plantación que se levarán a cabo no monte de Tameiga.

A actividade está recomendada para crianzas a partir de 6 anos, sempre acompañadas mínimo por un titor ou acompañante.

En caso de mal tempo a actividade levarase a cabo no interior do centro.

Reserva a túa praza no 986 288 057 ou no 616 523 807. A actividade é gratuíta.