A capela do Monte Alba, tamén coñecido como Cerro de San Bartolomeu, acolle dúas celebracións populares durante o mes de agosto que inclúen programa relixioso e musical.

O día 15 de agosto, coincidindo coa asunción da virxe María, celébrase a Romaría da Virxe do Alba. A programación completa deste festexo é a seguinte:

• 9:00 h – Saída da imaxe da igrexa de Valladares ata a capela do Alba.
• 12:45 h – Concerto de Wilson, compositor e improvisador arxentino que, hai dúas décadas, impulsou o movemento de improvisadores internacionais Juglares del mundo. Ademais, ofreceu actuacións en vivo en numerosas cidades do mundo, divertidas e aptas para todos os públicos.
• Grupo de gaitas Arume do C.R.C.R. de Beade
• Charanga Os Imperiais.

O 24 de agosto celébrase San Bartolomeu co seguinte programa:

• 9:00 h – Saída da imaxe
• Grupo de gaitas No Colo do Vento
• Charanga Charamujas

Os festexos rematan o 8 de setembro, coa baixada das imaxes ata a Igrexa e as actuacións de dúas bandas de gaitas.