O músico e compositor cubano Roly Berrío actuará nun concerto no que amosará a súa particular visión da música de raíz cubana. Cun estilo difícil de encadrar nun único xénero, Berrío combina canción de autor, tradición popular, humor e interpretación escénica nun directo marcado pola improvisación e a personalidade.

Autor de temas incluídos na película Habana Blues e distinguido coa Orde pola Cultura Cubana, o artista chega a Vigo tras unha ampla traxectoria internacional como músico, compositor e actor.